Quezon City – Nakatanggap ang mga Person’s Under Police Custody (PUPC) ng libreng food packs mula sa mga awtoridad sa 81 Anonas Road, Brgy. East Kamias, Quezon City nito lamang Setyembre 2, 2023.
Ito ay pinangunahan ni Police Staff Sergeant Dhiel Verganza sa ilalim ng superbisyon ni Police Lieutenant Colonel Ferdinand Casiano, Station Commander ng Anonas Police Station katuwang ang Triskelion Tau Gamma Phi Quirino Anonas Community Chapter.
Ang aktibidad ay paraan upang maipadama sa mga PUPC ang kalinga at malasakit ng mga naturang grupo para sa ating kababayan na may pananagutan sa batas na may pagkakataon pa na magbagong buhay kasama ang kanilang pamilya.
Pasasalamat naman ang tugon ng mga PUPC para sa handog na libreng pagkain at naghatid ng pag-asa para magbagong buhay.
Patuloy ang Anonas PNP sa paghahatid ng mga programa na magbibigay-ilaw sa lahat ng PUPC para simulan ang kanilang panibagong buhay na malayo sa anumang gulo o masangkot muli sa anumang krimen para sa kapakanan ng kanilang mahal sa buhay.
Source: Anonas Police Station
Panulat ni PSSg Grace Neville Ortiz
