Nueva Vizcaya – Pinangunahan ng mga kapulisan ng Diadi ang pagsasagawa ng pagpupulong na idinaos sa Brgy. Decabacan at Bgry. Rosario, Diadi, Nueva Vizcaya nitong ika-12 ng Marso 2023.
Ang aktibidad ay pinangasiwaan ni Police Major Carolina Kimmayong, Hepe ng Diadi PNP at sa pakikipagtulungan ni Ginang Judy Mar Dela Cruz, MLGOO at Hon. Ronaldo Alviar, Punong kagawad.
Aktibo namang nilahukan ng mga residente at iba pang mga opisyales ng barangay ang aktibidad sa dalawang magkaibang barangay.
Kasabay sa pagpupulong ay tinalakay ng mga kapulisan ang Buhay Ingatan, Droga’y Ayawan (BIDA) Program, mga batas gaya ng R.A. 9262 o Anti-Violence Against Women and their Children, R.A .7610 o Special Protection of Children Against Abuse, Exploitation and Discrimination Act at R.A 8353 o An Act Expanding the Definition of the Crime of Rape and Reclassifying the same as Crime Against Persons.
Layunin ng aktibidad na dagdagan ang kaalaman ng mga mamamayan hinggil sa mga batas upang maiwasan ang mga pagmamalupit at pang-aabuso sa mga kababaihan, at kasabay din nito ay tinalakay din ang mga kaukulang parusa kung sino man ang lalabag sa mga batas na ito.
Ang pambansang pulisya ay hindi tumitigil sa mga ganitong uri ng kampanya upang mabawasan ang kriminalidad na maaari pang lumaganap sa bansa.
Source: Diadi Police Station
Panulat ni PCpl Harry B Padua
