Davao City – Aktibong isinagawa ng Revitalized-Pulis Sa Barangay Team Marilog ang Pulong-Pulong sa mga estudyante ng Magsaysay National High School, Brgy. Magsaysay, Marilog District, Davao City bandang 10:00 ng umaga nito lamang Lunes, Enero 23, 2023.
Ito ay pinangunahan ni Police Corporal Renz Claude Pondoyo, Team Leader, sa ilalim ng superbisyon ni Police Lieutenant Bernard Blair Capitan, Supervisor.
Nagkaroon ng lecture patungkol sa iba’t ibang programa ng gobyerno, ang masamang epekto ng ilegal na droga sa ating katawan at ang kahalagahan ng edukasyon para makamit ang kanilang mga pangarap.
Ang Pulong-Pulong ay isinagawa upang hikayatin na iwasang gumamit ng ilegal na droga at lumahok o maging miyembro ang mga kabataan sa anumang organisasyon na kabilang sa Communist Terrorist Group na walang magandang resulta kundi ang paghahasik ng kaguluhan at terorismo sa ating bayan.
Source: R-PSB Team Marilog Sub Cluster 2 Davao City Cluster
Panulat ni PSSg Grace Neville Ortiz
