General Santos City – Sugatan ang isang pulis matapos saksakin ng isang tricycle driver sa bahagi ng Apparente Street, Barangay City Heights, General Santos City nitong ika-28 ng Setyembre 2022.
Ayon kay Police Colonel Paul T. Bometivo, Acting City Director ng General Santos City Police Office, nakilala ang suspek na si Cesar Gavino Ruelan alyas “Dodong”, nasa wastong gulang at residente ng Paparon Compound, Barangay City Heights, General Santos City.
Samantala, ang biktimang Pulis ay si Police Corporal Ryan Somodio, miyembro ng PNP na nakabase sa Police Station 4.
Ayon sa inisyal na imbestigasyon, lumalabas na nagsasagawa ang kapulisan ng Oplan Sita ng napansin nila ang matulin na takbo ng tricycle kaya agad nila itong pinara at kanilang hiningian ng lisensya ngunit sa halip na lisensya ay bumunot ito ng screwdriver at agad inundayan ng saksak si Police Corporal Somodio na dinepensahan agad ang kanyang sarili.
Isinugod pa sa Dr. Jorge Royeca Hospital ang suspek ngunit idineklara itong Dead on Arrival.
Sa ngayon ay nasa ospital pa si Police Corporal Ryan Somodio na nasaksak ngunit ligtas na ito sa bingit ng kamatayan.
Panulat ni Patrolman Charnie Atienza Mandia
