Naging katuwang ng mga guro sa iba’t ibang paaralan ang bawat Revitalized-Pulis sa Barangay na nakatalaga sa kanilang lugar sa Davao Region sa kanilang pagtuturo sa mga kabataan na nasa Geographically Isolated and Disadvantage Areas o GIDAs.
Hindi lamang sa pagkakaroon ng mga modular hub ang isinasagawa ng bawat R-PSB kundi pati na rin ang pagtulong sa pagsasaayos at paghahatid ng mga modyul ng mga bata sa kanilang nasasakupan.
Isa na rito ang mga tauhan ng DCPO R-PSB Mapula sa pamumuno ni PLt Medardo Babad Baleros Jr na patuloy na tumutulong sa pagsasaayos at paghahatid ng mga module sa mga guro ng Mapula Elementary School, Brgy. Mapula, Paquibato District, Davao City para sa mga mag-aaral ng nasabing paaralan.
Gayundin ang pagsasaayos, pagkukumpuni, at pagpipintura ng mga kagamitan at upuan ng Balite Elementary School sa Sitio Balite, Brgy. Marilog Proper, Marilog District, Davao City, ng mga tauhan naman ng RMFB 11 R-PSB Team Marilog sa pamumuno ni PLt Joseph Miguel D Crisologo, Team Leader, kasama si PCpl Raymart Manlubatan, PCR PNCO; 1105TH MC, RMFB11, bilang paghahanda sa darating na pasukan.
Ito ay ilan lamang sa paraan ng R-PSB upang makatulong sa komunidad lalo na sa mga mag-aaral at mga guro dahil alam ng bawat kapulisan kung gaano kahalaga ang edukasyon para sa mga kabataan.
- RPSBMapula
RMFB11RSPBMarilog
#####
Article by Police Corporal MAry Metche A Moraera
