North Cotabato – Kaagad na sinaklolohan ng tauhan ng Kidapawan City Police Station ang isang lalaking na na-mild stroke sa loob ng kanilang himpilan sa Kidapawan, North Cotabato nito lamang Miyerkules, Mayo 25, 2022.
Kinilala ni PLtCol Peter Pinalgan Jr., Hepe ng nasabing istasyon ang inatake na si Bernie Laquina, 47, residente ng Brgy. Bulatukan, Makilala, North Cotabato.
Ayon kay PLtCol Pinalgan Jr., si Laquina na sangkot sa isang vehicular accident ay biglang nakaramdam ng panghihina habang dumudulog sa kanilang himpilan.
Dahil sa pangyayari, kaagad na tumawag ang imbestigador na si PCpl Randy Ramon na isa ring nars, sa 911 upang humingi ng tulong habang binibigyan niya ng pang-unang lunas ang pasyente.
Dinala agad sa pinakamalapit na ospital si Laquina para sa kaukulang atensyong medikal.
Sa kasalukuyan ay nasa mabuting kalagayan na ang naturang pasyente kung saan malaki ang pasasalamat ng kanyang pamilya sa Kidapawan CPS at kay PCpl Ramon na kaagad sumaklolo kay Laquina.
Saludo tayo sa lahat ng pulisya na handang sumalba ng buhay sa kahit anumang paraan at oras.
Source: Pro 12 Kidapawan City Police Station
###
Panulat ni Patrolwoman Sherie-ann Masi
