Aklan – Matagumpay at ligtas na napaanak ng isang pulis ang isang ginang sa Brgy. Caticlan, Malay, Aklan nitong gabi ng ika-20 ng Marso 2023.
Habang nasa duty si Patrolman Lhar Talaga ng Caticlan Airport Police Station ay humingi umano ng tulong ang asawa ng ginang dahil sa iniinda nitong sakit sa tiyan, dito nga ay maagap na nirespondehan ng naturang pulis ang ginang kung saan ay malapit lang ang kanilang tirahan sa Caticlan Airport.
Nagsagawa agad si Pat Talaga ng isang examination at dito na napag-alaman na hudyat na pala ito ng panganganak ng ginang.
Sa tulong ni Pat Talaga ay matagumpay at malusog na nailuwal ang sanggol na kung saan ay labis naman itong ipinagpapasalamat ng asawa ng ginang.
Ayon sa AVSEU Boracay, hindi lang ito ang unang beses na nagpaanak ang naturang pulis.
Isang patunay na walang pinipiling lugar at panahon ang pagtulong ng ating kapulisan lalo na sa ating mga kababayan na higit na nangangailangan.
