Sa katatapos lamang na Preliminary Judging ng Singing Cops of the Philippines 2024 na ginanap nito lamang September 10, 2024 sa Bulwagang Lapu Lapu, Camp Crame, Quezon City, kinatawan ng Police Regional Office 10 pasok na sa Grand Finals.
Kilalanin natin si Patrolwoman Kershean Uy, Pulis na mang-aawit mula Libona Municipal Police Station.
Ang kanyang naging inspirasyon upang maging isang magaling na mang-aawit ay ang kanyang ina.
Sa Preliminary Judging ng nasabing patimpalak ay nagtagisan ng mga singing cops mula sa 17 Police Regional Offices kung saan napabilang ang pambato ng PRO 10 sa Top 10 performers at uusad sa Grand Finale.
Ang Singing Cops of the Philippines 2024 ay binuo ng Officers’ Ladies Club Foundation Incorporated (OLCFI) katuwang ang Philippine National Police na naglalayong maipamalas ang galing at talento ng mga kapulisan sa pagkanta sa buong mundo.
Ang malilikom na pondo mula rito ay ipapamahagi sa mga cancer-stricken PNP personnel na siyang pangunahing benepisyaryo ng naturang programa.
