Bukidnon – Walang humpay ang isinasagawang programa ng mga Revitalized-Pulis Sa Barangay Cadres ng Bukidnon 2nd Provincial Mobile Force Company at Valencia City Police Station sa programang “Pulis ko, Titser Ko” sa mga kabataan ng Brgy. Laligan, Valencia City, Bukidnon nito lamang ika-15 ng Enero 2023.
Ayon kay Police Colonel Reynante Reyes, Provincial Director ng Bukidnon Police Provincial Office, ang aktibidad na ito ay naisakatuparan dahil sa patuloy na pagsisikap ng ating mga miyembro ng Bukidnon PNP na nagresulta ng pagtaas ng literacy rate sa pagbabasa ng mga kabataan sa probinsiya.
Dagdag pa ni PCol Reyes, hindi magsasawa sa pagtulong na mapunan o madagdagan pa ang kaalaman ng mga kabataan sa nasabing lugar.
Ito ay nakaangkla sa programa ng Pambansang Pulisya na M+K+K=K partikular ang Malasakit Program at bumuo ng magandang ugnayan ng pulisya at mamamayan.
Panulat ni Patrolman Nicole Villanueva/RPCADU 10
