Pudtol, Apayao – Nirescue ng Pudtol Municipal Police Station ang walong indibidwal na natrap sa Malunog River, Brgy. Alem, Pudtol, Apayao nito lamang Disyembre 6, 2022.
Matagumpay na narescue ang walong indibidwal dahil sa pagtutulungan ng mga tauhan ng Pudtol MPS, MDRRMO at Bureau of Fire Protection-Apayao.
Ayon sa ulat, nagtungo ang mga nasabing indibidwal sa kanilang sakahan upang anihin ang mga gulay malapit sa nasabing ilog, ngunit tumaas ang tubig dahil sa tuloy-tuloy na pag-ulan at sanhi ng kanilang pagka-trap.
Wala namang naitalang nasaktan sa nasabing insidente at maayos na naihatid ang mga nirescue sa kanilang mga tahanan.
Ang Pudtol PNP katuwang ang iba’t ibang ahensya ng pamahalaan ay laging handa para sa agarang tulong at aksyon sa oras ng pangangailangan.
Source: RPCADU CORDILLERA
