Arestado sa isinagawang buy-bust operation ng mga awtoridad ang isang Public School Teacher na isang High Value Individual sa Sitio Naliyagan, Barangay Poblacion, Loreto, Agusan del Sur bandang 4:28 ng hapon nito lamang Hulyo 31, 2024.
Kinilala ang naaresto na si alyas “Jera”, 29 anyos, Public School Teacher, residente ng Purok 8, Barangay Poblacion, Loreto, Agusan del Sur.
Sa operasyon, nakuha sa kanyang posisyon ang isang transparent plastic sachet na naglalaman ng shabu na tinatayang nasa Php10,000, buy-bust money, isang itim na Vivo Android phone, at isang DepEd Identification Card.
Matagumpay ang nasabing operasyon sa pinagsanib na pwersa ng mga tauhan ng Agusan del Sur Police Provincial Office (ADSPPO) Provincial Intelligence Unit katuwang ang Philippine Drug Enforcement Agency XIII Agusan del Sur Provincial Office at Loreto Municipal Police Station.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Patuloy ang walang humpay na pagsisikap ng Agusan del Sur PNP na sugpuin ang katiwalian at mga ilegal na aktibidad, maging sa loob ng sarili nitong hanay bilang pahiwatig na walang sinuman ang mas mataas sa batas, at ang mga pampublikong tagapaglingkod ay pinanghawakan sa pinakamataas na pamantayan ng integridad na naglalayong maibalik at mapanatili ang tiwala ng publiko sa mga intitusyong ito tungo sa isang Ligtas, na Bagong Pilipinas.
Panulat ni Patrolwoman Karen Mallilin
