Arestado ng pulisya ang isang Public School Teacher na wanted sa kasong paglabag sa Republic Act 7610 sa Brgy. Ang Sto. Tomas, Sulat, Eastern Samar noong Enero 22, 2024.
Kinilala ni Police Captain Baby Eli C Tabale, Hepe ng Sulat Municipal Police Station, ang naaresto na si alyas “Pepe”, isang guro, at residente ng Sulat, Eastern Samar.
Ang suspek ay nahuli dakong 7:50 ng umaga ng mga operatiba ng Sulat Municipal Police Station, kasama ang Borongan City Police Station, Eastern Samar Provincial Intelligence Unit, 1st Eastern Samar Provincial Mobile Force Company at Maritime Law Enforcement Unit- Eastern Samar.
Ang suspek ay wanted sa kasong paglabag sa RA 7610 o “Special Protection of Children Against Child Abuse, Exploitation and Discrimination Act” na may inirekomendang piyansa na Php80,000.
Ang matagumpay na operasyon ay resulta ng pakikipagtulungan ng mamamayan upang mapaigting ang kampanya kontra kriminalidad para mapanagot ang mga taong may sala sa batas.
Panulat ni Rialyn Valdez
