Albay – Nagbigay ng saya, ngiti at tulong ang mga tauhan ng Police Regional Office 5 (PRO5) sa mga evacuees sa San Jose Elementary School Evacuation Center, Barangay San Jose, Malilipot, Albay nito lamang Hunyo 20, 2023.
Ang naturang aktibidad ay pinangunahan ng mga tauhan ng Regional Community Affairs and Development Division (RCADD), katuwang ang mga tauhan ng Malilipot MPS, Albay PPO, Regional Community Affairs and Development Unit 5 (RPCADU5), PRO5 Lady Ambassadress at PRO5 Band sa pakikipagtulungan ng DZRH Operation Tulong, Cong. Jose Teves Jr. ng TGP Party List, Lokal na Pamahalaan ng Albay, Bicol Press Club at SM City Legazpi.
Naging tampok sa aktibidad ang paghahatid ng saya ng kapulisan sa pamamagitan ng mga palaro, tugtugan at sayawan na lubos naman na ikinagalak ng mga batang bakwit.
Labis naman ang pasasalamat ng mga evacuees dahil sa Feeding Program na ibinahagi sa kanila ng nasabing mga grupo.
Ang PNP Bicol ay patuloy sa pagsasagawa ng ganitong mga aktibidad upang magbigay ng saya, ngiti at pag-asa sa mga bakwit para kahit papano ay maibsan ang kanilang mga problema, kalungkutan at alalahanin dulot ng pag-aalburoto ng Bulkang Mayon.
