Taguig City – Matagumpay na nagtapos ang Public Safety Junior Leadership Course Batch 2022-01 Class ‘’Sinag-Tibay’’ na ginanap sa NCRPO Grandstand, Camp Bagong Diwa, Bicutan, Taguig City nito lamang Martes, ika-25 ng Hulyo 2023.
Ang aktibidad ay pinangunahan ni Police Colonel Ricky Neron, Chief, National Capital Region Training Center katuwang ang kanyang mga staffs at dinaluhan din ni Police Colonel Luis Maria Pascual, Chief of Staff, National Police Training Institute, bilang Keynote Speaker at nagpaabot ng pagbati sa lahat ng nagtapos.
Ayon kay PCol Neron, ang naturang kurso ay binubuo ng 16 Coys, Alfa-Papa, na may 854 Police Non-Commissioned Officers mula sa Police Regional Office 1, 2, 4A, 4B, 5 at NSU Crame-based.
Nagpamalas naman ng Silent Drill ang PSBRC CLass 2022-02 “Mahirang” na ikinagalak ng mga dumalo lalo na ang pamilya ng mga nagsitapos.
Samantala, binigyang puri at nakatanggap ng pagkilala ang Over-all Top 3 Outstanding students na sina Police Staff Sergeant Shiela Olan Laguador bilang Top 1, mula sa Camarines Norte Police Provincial Office; Police Staff Sergeant Rollie Soriano Tabug bilang Top 2, mula sa Manila Police District at Police Staff Sergeant Ma Gracia Deduyo Andal bilang Top 3, mula sa Regional Mobile Force Battalion, NCRPO.
“Let God be the center of your universe”, isa sa pitong salita ng karunungan na ipinahayag ni PCol Pascual.
Panulat ni Police Staff Sergeant Donabel T Dulin
