Mt. Province – Nagsagawa ng Outreach Program ang Public Safety Basic Recruit Course Class 2019-02 “Gilas Diwa” bilang bahagi ng kanilang 3rd Anniversary sa mga bayan ng Sadanga at Bauko, Mt. Province nito lamang Linggo, Oktubre 2, 2022.
Ayon sa Mountain Province Police Provincial Office, ang mga miyembro ng PSBRC Class 2019-02 “Gilas Diwa” ay nag-ambag-ambag upang makalikom ng pondo na kanilang ginamit para sa kanilang mga outreach activities.
Ang nasabing grupo ay naglakad ng halos dalawang oras upang marating ang Brgy. Bekigan, Sadanga at doon ay namigay ng tulong tulad ng food packs sa tatlong piling mga residente na may mga karamdaman.
Namigay din ng Php3,000 na cash assistance sa piling mga benepisyaryo bilang pandagdag gastos sa araw-araw na pangangailangan.
Samantala, sa bayan naman ng Bauko, binisita ng mga miyembro ng “Gilas-Diwa” ang mag-aaral ng Coputan Daycare Center sa Brgy. Lagawa upang mamigay ng school supplies at magsagawa ng feeding program para sa mga mag-aaral ng nasabing Daycare Center.
Patuloy ang suporta ng “Gilas-Diwa” sa pagpapaigting ng ugnayan at komunidad tungo sa pagkamit ng tahimik at maunlad na pamayanan.
