Culasi, Antique – Masayang ipinagdiwang ng PSBRC Class 2017-02 Kampilan at Masinag Lahi na nakatalaga sa 2nd Antique Provincial Mobile Force Company ang kanilang ika-limang anibersaryo sa pamamagitan ng pagsasagawa ng Community Outreach Program sa Brgy. Salde, Culasi, Antique nito lamang ika-30 ng Hulyo, 2022.
Namahagi ng libreng facemask ang mga miyembro ng nasabing class sa mga kabataang nakilahok sa aktibidad at hinikayat nila itong palaging maghugas ng kamay at panatilihin ang kalinisan para makaiwas sa pagkalat ng virus na COVID-19, dito ay nagkaroon din ng palaro upang pasayahin ang mga kabataan.
Namigay din sila ng ilang regalo tulad ng school supplies na nalikom mula sa mga stakeholders at bago pa man magtapos ang aktibidad ay nagsagawa din ang ating kapulisan ng feeding program.
Lubos naman ang pasasalamat ng naturang Class sa mga stakeholders na walang sawang sumusuporta at nagbibigay tulong lalo na sa grupong Dabarkadz Bugasong at Dingco Family para sa kanilang mga isinagawang programa gaya nito.
Ang mga ganitong programa ay nagpapakita lamang na ang ating PNP ay patuloy na nagbibigay tulong at serbisyo sa mga mamamayan sa kanilang nasasakupan upang ipadama ang pagmamahal sa kapwa.
###
