Leyte – Nagsagawa ng feeding program ang PNP Maritime Group sa Brgy. 37, Tacloban City nito lamang Huwebes, Nobyembre 10, 2022.
Ang naturang programa ay pinangunahan ni Police Lieutenant Colonel Jose A Robrido, Station Chief ng Tacloban Maritime Police Station-PNP Maritime Group kasama ang mga tauhan nito at SOS Volunteer ng istasyon.
Humigit kumulang 40 na bata, nagtitinda ng isda at mangingisda ng barangay ang nakatanggap ng mainit na arrozcaldo na bagay sa maulang panahon sa lungsod.
Ang aktibidad na ito ay alinsunod sa programang Revitalized PNP KASIMBAYANAN na naglalayong palakasin ang ugnayan ng komunidad at PNP sa pagbuo ng isang mapayapa at ligtas na pamayanan para sa mga mamamayan.
