Valencia, Bohol – Taos pusong isinakatuparan ng mga tauhan ng Valencia Municipal Police Station ang proyektong “Love Ko To” bilang bahagi ng community outreach program para sa mga bata mula sa iba’t ibang Barangay sa Valencia, Bohol nito lamang Agosto 24, 2022.
Ang aktibidad ay direktang pinamunuan ni Police Captain Clifton P Gairanod, Hepe ng Valencia Municipal Police Station katuwang ang Sangguniang Kabataan ng Brgy. Simang, Brgy. Poblacion Oriental at Brgy. Canua Oriental at sa tulong ni Atty. Lourdes Abellan Cempron at Mrs. Grace Cellan.
Masayang dinala ng naturang grupo ang mga bata sa Mcdonald’s upang mananghalian at pagkatapos naman ay agad silang inilibot at dinala sa World of Fun – ICM upang maglaro at bigyan ng kasiyahan.
Mababakas sa mga mukha ng mga bata ang labis na pagkatuwa hindi lamang dahil sa pagkain at kasiyahan na handog ng kapulisan, bagkus lalong higit sa pagmamahal at pagkalinga na kanilang naramdaman mula sa naturang grupo na nagsilbi rin nilang kalaro at kaibigan noong mga oras na iyon.
Hindi naman mapapantayan ng anumang bagay ang naramdamang kasiyahan ng Valencia PNP maging ang mga indibidwal na naging katuwang dahil sa tamis ng ngiti at higpit ng yakap na isinukli ng mga batang kanilang lubos na napasaya.
Layunin ng aktibidad na ito na mabigyan ng pagkakataon ang mga batang walang pribelihiyo na makabisita sa mga pasyalan dala ng kahirapan.
Ninanais ng Pambansang Pulisya na mas pagtibayin ang ugnayan ng pulisya at mamamayan tungo sa isang tahimik, mapayapa at nagkakaisang pamayanan.
###
