Quirino – Muling iginawad ng Quirino PNP sa isang pamilya ang proyektong “Kwarto ni Neneng” sa Purok 1, Brgy. Ponggo, Nagtipunan, Quirino nito lamang Setyembre 5, 2023.
Ang nasabing aktibidad ay pinangunahan ni PCol Augosto Bayubay, Provincial Director ng Quirino Police Provincial Office, sa paggawad ng Project “Kwarto Ni Neneng” kasama si PMaj Quintin Baquiran, Chief of Police ng Nagtipunan Police Station, katuwang ang LGU ng Nagtipunan, Quirino, MSWDO, Municipal Advisory Group (MAG) at mga opisyales ng Barangay.
Kasabay ng turn-over sa Kwarto ni Neneng ay ang pagbahagi ng grocery at food packs sa pamilya nina Ginang Cacliong na siyang naging benepisyaryo ng proyekto.
Lubos naman ang pasasalamat ni Gng. Cacliong sa mga kapulisan at sa lahat ng tumulong sa nasabing proyekto.
Ang Project Kwarto ni Neneng ay isa sa mga Best Practices ng Quirino PPO upang matugunan at maiwasan ang mga kaso ng sekswal na pang-aabuso.
Layon ng proyektong ito na tugunan ang pangangailangan ng ating kababayan lalo na sa usaping protektahan ang mga batang kababaihan nang sa gayon maiwasan at mabawasan ang mga insidente ng rape sa probinsya.
Source: QPPO
Panulat ni Police Staff Sergeant Jermae Javier
