Arteche, Eastern Samar – Naglunsad ang mga tauhan ng 801st Maneuver Company, Regional Mobile Force Battalion 8 ng proyektong Agricultural Endeavor sa 801st Maneuver Company Headquarters, Brgy. Hardin, Arteche, Silangang Samar noong Martes, ika-13 ng Setyembre 2022.
Ang aktibidad ay pinangunahan ni Police Captain Leslie R Lalic, Officer-In-Charge ng 801st MC, RMFB8 katuwang ang mga tauhan nito.
Ang 801st Maneuver Company Agricultural Endeavor Garden ay isang organic gardening na ginawa ng mga kapulisan upang mabawasan ang kanilang gastusin sa pagkain at makatulong din sa mga residente sa kanilang nasasakupan na nangangailangan.
Sari-saring gulay ang mga makikita sa taniman gaya ng bitter melon, talong, okra at talbos ng kamote.
Hinihikayat ng kapulisan ng 801st Maneuver Company ang mga mamamayan na magtanim dahil ang organic farming ay nakakatulong sa pagpapagaan ng greenhouse effect, global warming at pagbabago ng klima.
Kaagapay naman ng komunidad ang Pambansang Pulisya ng Pilipinas sa pagpapanatili sa kalinisan at kaayusan maging sa kaunlaran at kapayaan ng ating bansa.
Panulat ni Patrolwoman Rialyn B Valdez
