Cebu City – Binigyang kulay ng mga tauhan ng Police Regional Office 7 ang pagsasakatuparan ng Proyektong A.G.A.K (Alang sa Kaugmaon Atong Giyahan, Gakson at Hi-Gugmaun ang Kabataan) na isinagawa sa DSWD Home for Girls, Veterans Cemetary, Brgy. Labangon, Cebu City nito lamang Biyernes, Hunyo 09, 2023.
Ang aktibidad ay pinangunahan ni Police Brigadier General Anthony Aberin, Regional Director ng Police Regional Office 7, kasama ang kanyang maybahay na si Gng. Melinda Aberin.
Dumalo rin sa programa ang mga miyembro at Hepe ng Regional Community Affairs and Development Unit 7 sa pangunguna ni Police Colonel Emelie Santos; Acting Chief, RPCADU 7, Police Lieutenant Colonel Leoncio Baliguat Jr.; City Director, CCPO, Police Colonel Ireneo Dalogdog at ang Faculty at Staff ng Department of Social Welfare and Development Home for Girls.
Tampok sa nasabing proyekto ang pamamahagi ng mga bagong tsinelas, sapatos, laruan, sanitary supplies, at iba pang personal na gamit para sa mahigit 100 na mga benepisyaryo ng naturang programa.
Dagdag pa, nagpaabot din ng mga kagamitan para sa kanilang pag-aaral at mga pagkain tulad ng burger at lugaw.
Ang Proyektong “A.G.A.K” ng PNP Central Visayas ay isa sa mga programa na nagsilbing kasangkapan sa pagtulong sa mga kabataan at kababaihan na nakakaranas ng kalupitan at pagsasamantala na may layuning makapag-bigay sa kanila ng kasiyahan at kinakailangang suporta para sa kanilang mga personal na pag-unlad.
