Laguna – Naaresto ang isang Provincial Most Wanted Person ng Laguna sa kasong paglabag sa RA 9165 sa ikinasang operasyon ng Santa Rosa City Police Station sa Brgy. Tagapo, Sta. Rosa City, Laguna bandang 12:00 ng tanghali nito lamang Biyernes, Pebrero 3, 2023.
Kinilala ni Police Colonel Randy Glenn Silvio, Acting Provincial Director, Laguna Police Provincial Office, ang akusado na si alyas “Ruby”, 42, residente ng Blk. 17, Lot 7, Celina Homes Subdivision, Brgy. Tagapo, Santa Rosa City, Laguna.
Nahaharap ang suspek sa kasong paglabag sa Section 5, 6, 11, at 12 ng Republic Act 9165 o Comprehensive Dangerous Drugs Act of 2002.
“Sa pakikipagtulungan ng mamamayan sa ating mga kapulisan ay mabilis na nahuhuli ang mga gumawa ng krimen sa loob man o sa labas ng probinsya at makakaasa ang mamamayan na ang Laguna PNP ay hindi titigil sa pagsugpo ng krimen at ilegal na droga” ani PCol Silvio.
Panulat ni PEMS Joe Peter Cabugon/RPCADU4A
