Arestado sa ikinasang manhunt operation ng Sta. Maria PNP ang Provincial Most Wanted Person ng Laguna sa kasong paglabag sa RA 7610 (Rape) nito lamang Disyembre 19, 2023.
Kinilala ni Police Colonel Harold Depositar, Acting Provincial Director ng Laguna Police Provincial Office, ang suspek na si alyas ‘’Maribel”, 34, residente ng Calauan, Laguna at mahigit 12 taong nagtatago sa batas.
Naaresto ang suspek ganap na 4:30 ng hapon sa Brgy. Balian, Pangil, Laguna ng Sta. Maria Municipal Police Station sa bisa ng Warrant of Arrest sa kasong paglabag sa RA 7610 o “Special Protection of Children Against Abuse, Exploitation and Discrimination Act” (Rape) na walang piyansang inirekomenda.
“Kahit gaano pa kayo katagal magtago sa batas di nyo matatakasan ito. Patuloy ang pagtugis ng Laguna PNP sa mga wanted persons upang panagutin at bigyang hustisya ang mga naging biktima,” pahayag ni PCol Depositar.
Source: Laguna Police Provincial Office
Panulat ni Police Staff Sergeant Donabel T Dulin
