Arestado ang isang Provincial Most Wanted Person sa isinagawang manhunt operation ng mga tauhan ng Santa Cruz Municipal Police Station sa Barangay Palasan, Santa Cruz, Laguna nito lamang Marso 20, 2024.
Kinilala ni Police Colonel Gauvin Mel Y Unos, Acting Provincial Director ng Laguna Police Provincial Office, ang suspek na si alyas “Gellyzar”, residente ng Sta. Cruz, Laguna.
Naaresto ang suspek bandang 5:47 ng hapon sa bisa ng Warrant of Arrest sa kasong paglabag sa Republic Act 9165 o Comprehensive Dangerous Drugs Act of 2002 na may piyansa na nagkakahalaga ng Php200,000.
Ang bawat matagumpay na pagtugis ng PNP sa mga taong sangkot sa ilegal na droga ay nagbibigay ng pag-asa sa ating mga mamamayan na ang Bagong Pilipinas ay hindi lamang isang pangarap kundi isang magiging katotohanan sa pamamagitan ng sama-sama nating pagkilos para sa kaunlaran ng ating bayan.
Source: Laguna Police Provincial Office
Panulat ni Patrolwoman Angelica Rica S Teng
