Arestado ang isang Provincial Most Wanted Person sa isinagawang Law Enforcement Operation ng mga awtoridad sa Barangay San Vicente, Dapitan City, Zamboanga Del Norte nito lamang ika- 12 ng Agusto, 2024.
Kinilala ni Police Lieutenant Colonel Michael R Chavez, Chief, Criminal Investigation and Detection Group (CIDG) Zamboanga Del Norte Provincial Field Unit, ang naarestong suspek na si alyas “June”, 38 taong gulang, lalaki, walang asawa, at residente ng Purok 7, Lapu-Lapu, Piñan, Zamboanga Del Norte.
Mahaharap ang suspek sa kasong paglabag sa Section 5 (B) ng Republic Act 7610 o Special Protection of Children Against Abuse, Exploitation and Discrimination Act na may piyansa na nagkakahalaga ng Php200,000.
Patunay lamang na ang Pambansang Pulisya ng Pilipinas katuwang ang ibang ahensya ng pamahalaan ay hindi nagpapabaya sa sinumpaang tungkulin na hulihin ang mga taong tiwalag sa batas, mapanatiling ligtas ang komunidad, at ipatupad ang kapayapaan ng bansa para sa umuunlad na Bagong Pilipinas.
Panulat ni Patrolwoman Joyce Franco
