Arestado ang isang Provincial Most Wanted Person sa isinagawang manhunt operation ng Biñan Component City Police Station sa Barangay Dela Paz, Biñan City, Laguna nito lamang ika-10 ng Hulyo 2024.
Kinilala ni Police Colonel Gauvin Mel Y Unos, Acting Provincial Director ng Laguna Police Provincial Office, ang suspek na si alyas “Jay”, residente ng Biñan City, Laguna.
Naaresto ang suspek bandang 5:20 ng hapon sa bisa ng Warrant of Arrest para sa kasong paglabag sa Republic Act 9165 o Comprehensive Dangerous Drugs Act of 2002 na walang piyansa.
Ang Laguna PNP ay hindi titigil sa kampanya laban sa ilegal na droga upang mapanatli ang kapayapaan at seguridad sa pagkamit ng isang Bagong Pilipinas na ligtas mula sa iba’t ibang uri ng kriminalidad.
Source: Laguna Police Provincial Office
Panulat ni Patrolwoman Angelica Rica S Teng
