Matagumpay na inilunsad ng Divilacan Police Station ang project S. T. O. R. Y o Sharing Tales and Moral lessons to the Youth sa barangay Dimasalansan bayan ng Divilacan, Isabela noong ika-23 ng Setyembre taong kasalukuyan.
Ang aktibidad ay pinangunahan ni Police Major Teresito C Calimpusan Jr, Hepe ng Divilacan PS, katuwang ang Tourism and Cultural at mga guro ng Dimasalansan Elementary School sa pangunguna ni Mr. Jojo Bacayo, Teacher-in-charge.
Isinagawa ang Project S.T.O.R.Y kung saan dinaluhan ito ng mga kabataan at aktibong pinakinggan ang mga kuwento mula sa kapulisan na nag-iwan ng moral lessons sa lahat ng dumalo.
Umabot sa 65 na bata ang mga naging benepisaryo sa nasabing aktibidad na nakatanggap ng laruan, school supplies, tsinelas, sari-saring mga damit at mainit na meryenda na inihanda ng grupo.
Layunin ng aktibidad na maging tulay ito upang mailapit ang kapulisan sa komunidad, partikular na ang mga kabataan, sa pamamagitan ng pagbabahagi ng mga personal na kwento at moral na mga aral. Ang inisyatibang ito ay nakaukit sa paniniwala na ang pagkukuwento ay isang unibersal na kasangkapan na maaaring magsulong ng pag-unawa, empatiya at magtiwala.
Source: Isabela PPO
Panulat ni PCpl Kelvin Paul Juan
