Muling nagsagawa ang Ilagan PNP ng Simultaneous Mobile Patrolling bilang parte ng kanilang Project Ronda Ilagan nitong Linggo, Setyembre 19, 2022 sa City of Ilagan, Isabela.
Ayon kay Police Lieutenant Colonel Benjamin D Balais, Hepe ng Ilagan City Police Station, layunin ng proyektong ito na mapaigting ang kampanya laban sa kriminalidad sa pamamagitan ng Mobile Patrol Operations at sa pakikipagtulungan at pakikiisa ng komunidad.
Nasa 42 volunteers mula sa hanay ng mga Punong Barangay, Barangay Peacekeeping Action Teams (BPATs) members at Citizen Crime Watch (CCW) Ilagan Chapter ang nakibahagi sa nasabing aktibidad.
Sumama din sa pagpapatrolya ang mga miyembro ng 1st Isabela Provincial Mobile Force Company. Hinati ang grupo ng mga volunteers at pulis at sabay-sabay na nagsagawa ng mobile patrolling sa 20 barangay sa nabanggit na siyudad.
Samantala, pinasalamatan naman ni PLtCol Balais ang lahat ng nakiisa at sumuporta sa kanilang proyekto. Hinimok din niya ang mga mamamayan na patuloy na makipagtulungan sa mga kapulisan upang mapanatili ang isang payapa at progresibong siyudad ng Ilagan.
Source: Ilagan City Police Station
Panulat ni Police Staff Sergeant Mary Joy D Reyes
