Dinaluhan ng mga mag-aaral ng San Juan Science High School ang isinagawang Project R.E.A.D.Y. at Bomb Awareness Lecture ng mga tauhan ng San Juan City Police Station nito lamang umaga ng Huwebes, Pebrero 29, 2024.
Ang nasabing talakayan ay pinangunahan ng mga tauhan ng Station Community Affairs and Development Section (SCADS) sa pangunguna ni Police Captain Joseph G Rawat, Deputy C, SCADS sa pamumuno ni Police Colonel Francis Allan M Reglos, Chief of Police.
Dinaluhan ng 42 na mag-aaral mula Grade 7 at Grade 10 ang aktibidad na may aktibong suporta ni Dr. Jonas Francisco, OIC Principal ng paaralan.
Tinalakay ang patungkol sa Project R.E.A.D.Y. (Learning the Pressure and Influences of taking Drugs and Ways how to Resist; Learning Moral Values and Building Self-Esteem; at Decision-making), at itinuro din sa mga bata ang Project ABKD o Awareness of Bombs that Kill lives and Destroy properties, Bomb Identification, Bomb Threat Protocols, and Safety Protocols for First Responders.
Ito ay alinsunod sa 5-Focus Agenda ni Chief PNP, sa ilalim ng “Community Engagement” para sa isang mas mahusay at mas epektibong puwersa ng pulisya.
Source: San Juan CPS
Panulat ni PSSg Remelin M Gargantos
