Gregorio Del Pilar, Ilocos Sur (February 16, 2022) – Nagsagawa ng Project “Pailaw” ang mga tauhan ng Gregorio Del Pilar Municipal Police Station (MPS) sa Brgy. Busot, Gregorio Del Pilar, Ilocos Sur noong ika-16 ng Pebrero taong kasalukuyan.
Pinangunahan ni Police Lieutenant Tito Lawana, Jr., Officer-in-Charge (OIC) ng Del Pilar MPS ang pagkaloob ng ‘Pailaw ng Pulis’ sa pakikipagtulungan ng mga opisyal ng barangay na pinamumunuan ni Brgy. Captain Florendo Guiao.
Ang aktibidad na ito ay bahagi ng 5Ps Program ng Police Regional Office (PRO) 1 sa pangunguna ng butihing Regional Director ng PRO1 na si Police Brigadier General Emmanuel Peralta.
Ito ay naglalayong pagtibayin ang samahan ng mga kapulisan at mga mamamayan.
Gayundin, hinihikayat ng pulisya ang mga mamamayan na makiisa sa pagpapatuloy ng isang maayos at produktibong pamayanan.
###
Panulat ni Patrolman Joshua Jimenez
