Kiangan, Ifugao – Pinarangalan ng Lokal na Pamahalaan ng Kiangan ang proyektong “Munhay-yuduk” ng Kiangan Municipal Police Station sa ginanap na Flag Raising Ceremony sa Municipal Gymnasium, Poblacion, Kiangan Ifugao nito lamang Lunes, Mayo 23, 2022.
Ayon kay Police Major Juliet Nalidong, Acting Chief of Police, kinilala at ginawaran ng Certificate of Appreciation ni Hon. Raldis Andrei A. Bulayungan, Municipal Mayor ng Kiangan ang pagsisikap sa Anti-Criminality Campaign ng Kiangan MPS sa pamamagitan ng proyektong “Munhay-yuduk”.
Paliwanag ni Police Major Nalidong, ang proyektong “Munhay-yuduk” ay isang katutubong termino ng tribong Ifugao-Tuwali na nangangahulugang maalab na pagpapatrolya at paghahanap ng puwersa ng pulisya sa mga kadalasang tinatambayan ng mga kabataan tuwing gabi.
Ayon pa kay PMaj Nalidong, layunin ng naturang proyekto na direktang tugunan ang mga umiiral na mga insidente at maiwasan ang paglitaw ng mga suppressible na krimen sa oras ng gabi na ginagawa ng mga menor de edad tulad ng pagnanakaw at riot ng mga kabataang nasa impluwensya ng alak.
Dagdag pa ni PMaj Nalidong, ang dedikasyon at determinasyon ng pulisya na isulong at panatilihin ang kapayapaan, kaayusan at kaligtasan ng publiko ay naging matagumpay dahil sa aktibong pakikilahok ng Municipal Advisory Group for Police Transformation and Development (MAGPTD), NGOs, Barangay Officials, at Advocacy Support Group.
Samantala, pinasalamatan ni Mayor Bulayungan ang Kiangan MPS at kanilang Advisory Councils at Advocacy Support Group sa kanilang matagumpay na proyekto laban sa kriminalidad.
Source: https://m.facebook.com/story.php?story_fbid=130845436222378&id=100078907653669
###
Panulat ni PSSg Ermilinda Cacliong
