Muling naisakatuparan ang Project Learning on Wheels (Correct Answer Mo, Stuffed Toys Mo!) ng Isabela All-Women Provincial Mobile Force Company upang magbigay saya sa mga mag-aaral ng Baluarte Elementary School, Santiago City nito lamang Lunes, Setyembre 5, 2022.
Nagbigay ng isang interactive lecture tungkol sa RA 8353 o ang Anti Rape Law of 1997; Safe Touch vs Bad Touch; at proper hand washing ang mga tauhan ng All-women Provincial Mobile Force Company kung saan aktibong nakibahagi ang mga bata.
Nagkaroon din ng isang recitation kung saan mabibigyan sila ng stuffed toys at candies sa bawat tamang kasagutan sa mga tanong ni ateng pulis.
Bukod pa dito, nagsagawa din ang All-Women PMFC ng isang feeding program para sa mga kalahok.
Ayon kay Police Lieutenant Colonel Ednalyn B Pamor, Force Commander ng Isabela All-Women PMFC, layunin ng proyektong ito na mailapit ang kalooban ng mga bata sa mga pulis at maituro sa kanila ang kanilang mga karapatan upang sila ay hindi maging biktima ng mga pang-aabuso at karahasan.
Source: All-women PMFC
Panulat ni Police Staff Sergeant Mary Joy D Reyes
