Pinukpuk, Kalinga – Isinagawa ang Project KABADANG ng 1st Kalinga Provincial Mobile Force Company sa Brgy. Ballayangon, Pinukpuk, Kalinga nito lamang Huwebes, Nobyembre 17, 2022.
Ayon kay Police Major Ham Banag, Acting Force Commander ng 1st Kalinga PMFC, ang Proyektong KABADANG ay ang best practice ng naturang unit na sumisimbolo sa “Kalinga at Pagmamahal sa Kababayan, Biyayang Alay ng Kapulisan Tungo Sa Adhikaing Kapayapaan na Ninanais ng Mamamayan at Gobyerno” kung saan naglalayong maiparating ang tulong, serbisyo at malasakit ng pulisya sa komunidad.
Samantala, umabot sa higit kumulang 170 na pamilya ang nakibahagi sa nasabing aktibidad.
Sa programa, tinalakay ng mga tauhan ng 1st Kalinga PMFC ang mga paksa hinggil sa mga usaping Anti-Insurgency at Anti-Criminality, Anti-Illegal Drugs, Anti-Violence Against Women and their Children Act of 2004 at ang layunin ng End Local Communist Armed Conflict o ELCAC.
Namahagi din ng mga food packs gayundin ang mga Information and Education Campaign materials hinggil sa Peace and Order Situation at ang Crime Prevention Initiatives na ginagabayan ng C, PNP’s M+K+K=K (Malasakit, Kaayusan, Kapayapaan equals Kaunlaran) Peace and Development Framework.
Ani Police Major Banag, ang naturang aktibidad ay isang pamamaraan ng kanilang himpilan sa pagpapalawak ng taos-pusong pagmamalasakit sa komunidad upang hikayatin ang mga mamamayan na makiisa sa programa ng gobyerno tungo sa kapayapaan.
SOURCE: 1st Kalinga Provincial Mobile Force Company
