Isabela – Nagsagawa ng Project Ka.Ba.Ta. (Kasangga ang mga kabataan sa Bawat panahon, Taglay ang kagalingan at Angking katalinuhan ang siyang ikakaunlad ng bayan) ang Santiago PNP na pinangunahan ni PLt Jaidee Lunggami sa Brgy. Villa Gonzaga, Santiago City, Isabela noong ika-29 ng Disyembre 2022.
Aktibong nakinig ang mga kabataan ng naturang barangay sa isinagawang pagbahagi at pagpapaliwanag hinggil sa Youth Recruitment ng CPP-NPA-NDF at iba’t ibang aktibidad ng CTG sa lipunan.
Layunin ng aktibidad na ito na mahimok ang mga kabataan sa pakikiisa sa pagsulong ng kapayapaan at iwasang umanib sa mga grupong lumalaban sa gobyerno at masangkot sa mga ilegal na gawain sa komunidad.
Source: Santiago City MFC
Panulat ni PSSgJerlyn V Animos
