Camp Salvador Escudero Sr., Sorsogon City – Pormal na inilunsad ng Sorsogon Police Provincial Office ang Project Ka-alalay sa A-ki nin Sorsogon para sa G-inhawa A-sin PA-manang Y-aman nin Edukasyon (KA.A.G.A.PA.Y) na nakaangkla sa Project TANGLAW ng Police Regional Office 5 sa Eternidad St, Sorsogon City, Sorsogon nitong araw ng Huwebes, Setyembre 15, 2022.
Ito ay pinangunahan ni Police Lieutenant Colonel Nonito F. Marquez, Deputy Provincial Director for Administration (DPDA) ng Sorsogon PPO sa ilalim ng pamumuno ni Police Colonel Arturo P. Brual Jr., Provincial Director ng Sorsogon PPO katuwang si Ginoong Randy H. Huerto, President ng Sorsogon Province Eagles Club.
Layunin ng proyektong ito na maging kaagapay ng mga pamilyang lubos na nangangailangan upang mabigyan ng pagkakataon ang kanilang mga anak na makapag-aral ng maayos para magkaroon ng magandang kinabukasan.
Patuloy ang pagsisikap ng PRO5 sa pagsasagawa ng mga inisyatibo na makakatulong at mapapakinabangan ng mga pamilyang lubos na nangangailangan upang mabigyan sila ng nararapat na edukasyon dahil ang hangad ng PNP ay makapagtapos ng pag-aaral ang lahat ng mag-aaral tungo sa ikakaunlad ng kanilang kinabukasan.
Source: Sorsogon PPO
Panulat ni Pat Rodel Grecia
