Iguig, Cagayan – Inilunsad ng Iguig PNP ang Project INDAK sa Calvary Hills, Iguig, Cagayan nito lamang Sabado, Abril 30, 2022.
Ang aktibidad ay tinatawag din na Iguigeños Nurturing Dance Accelerating Kinship among Community.
Ito ay pinangunahan ni Police Colonel Renell Sabaldica, Provincial Director ng Cagayan Police Provincial Office at dinaluhan ng Local Government Unit ng Iguig, Bureau of Fire Protection, mga stakeholders at Advocacy Support Groups.
Masayang nakiindak sa tugtugan ang mga dumalo sa aktibidad.
Ayon kay Police Major Jeffrey Canay, Chief of Police ng Iguig Municipal Police Station, alinsunod ang proyekto sa Intenal Cleansing Policy ng PNP na naglalayong mapanatiling fit at healthy ang mga pulis.
Bukod pa dito, layon din ng programa na mapalakas ang ugnayan ng Pambansang Pulisya sa komunidad at sa iba’t ibang stakeholders.
Pinuri naman ni PCol Sabaldica ang Iguig PNP sa paglulunsad ng programa na hindi lang makakatulong sa mga pulis kundi pati na din sa komunidad.
Source: Cagayan PPO
###
Panulat ni Police Staff Sergeant Mary Joy D Reyes
