Basay, Negros Oriental – Masayang isinagawa ng mga miyembro ng Basay Municipal Police Station ang “Project Hampangan” sa Yardahan, Poblacion, Basay, Negros Oriental nito lamang ika-29 ng Hulyo 2022.
Ang proyektong inilunsad ay pinangunahan ng mga tauhan ng nasabing istasyon sa direktang pangangasiwa ni Police Lieutenant Julius Rene C Peñaflorida, Officer-In-Charge.
Matamis na ngiti at pasasalamat naman ang isinukli ng mga batang nakatanggap ng laruan mula sa nasabing grupo.
Layunin ng nasabing proyekto na magkaroon ng mas matibay na samahan sa pagitan ng pulisya at komunidad partikular na sa mga bata upang tingnan nila ang Pambansang Pulisya bilang kanilang inspirasyon at kakampi sa anumang oras.
Hangad ng Basay PNP na maipadama sa ating mga kababayan ang serbisyong tapat at may puso na walang pinipiling oras, araw o pagkakataon.
Panulat ni Patrolwoman Kyla Hannah Evangelista
