Muling umarangkada ang walang humpay na pagpapalaganap ng Project E-S.I.P.O.L o Project Enhanced- Special Initiative for the Protection of Women and Children against Offensive and Lascivious Acts ng Allacapan PNP sa Capanickian Norte Elementary School, Barangay Capanickian Norte, Allacapan, Cagayan nito lamang ika-5 ng Abril 2024.
Pinangunahan ni Police Major Krismar Angelo P Casilana, Officer-In-Charge ng Allacapan PNP ang nasabing programa at kasama sa aktibidad ang mga mag-aaral at guro ng nasabing paaralan, mga magulang at mga opisyales ng Barangay.
Itinampok sa nasabing aktibidad ang pagtalakay sa mga karapatan at kapakanan ng mga kababaihan laban sa pang-aabuso at pagbabahagi ng mga “pito” na nakapagbenipisyo sa 60 na mag-aaral mula sa ika-apat hanggang ika-anim na baitang.
Ang inisyatibong ito ng Pambansang Pulisya ay naglalayong palawakin ang kamalayan at maprotektahan ang mga karapatan ng mga kababaihan alinsunod sa isinusulong na Bagong Pilipinas.
Source: Allacapan PS
Panulat ni Pat Donnabele R Galang
