Cauayan City, Isabela – Muling umarangkada ang Project BUKLAT-MULAT (Libro ay BUKLATin-Mag-aral Upang Landas Ay Tumuwid) ng Cauayan PNP sa Brgy. Sta Luciana, Cauayan City, Isabela nito lamang Miyerkules, Mayo 11, 2022.
Ang aktibidad ay pinangunahan ni Police Lieutenant Colonel Sherwin Cuntapay, Chief of Police ng Cauayan City Police Station, na kung saan 20 kabataan ang nakatanggap ng mga school supplies at mga aklat.
Layunin ng programa na mapalawak ang kaalaman ng mga bata at mahikayat silang magbasa lalo na ngayong panahon ng pandemya.
Ang programang ito ay inilunsad bilang pagsuporta sa Project AKLAT (Adhikaing gabayan ang mga Kabataan at Linangin Ang kanilang kaisipan Tungo sa magandang kinabukasan) kung saan matatamis na ngiti at pasasalamat naman ang naging tugon ng mga benepisyaryo sa kanilang natanggap na regalo mula sa PNP.
Samantala, siniguro naman ng Isabela PNP na patuloy ang kanilang hanay sa paglulunsad ng mga programa upang masuportahan at mapataas ang antas ng edukasyon ng mga kabataan.
Source: Cauayan City Police Station
###
Panulat ni Police Staff Sergeant Mary Joy D Reyes
