Nagsagawa ng Project BUKLAT-MULAT (Libro ay BUKLATin- Mag-aral Upang Landas Ay Tumuwid) ang Naguilian PNP sa pangunguna ni Police Major Junneil Perez kasabay ng pamimigay ng maagang pamasko sa mga Daycare pupils ng Brgy. Quezon, Naguilian, Isabela nitong ika-8 ng Nobyembre 2022.
Isinagawa ang BUKLAT-MULAT bilang suporta sa nailunsad na Project AKLAT (Adhikaing gabayan ang nga Kabataan at Linangin Ang kanilang kaisipan Tungo sa magandang kinabukasan).
Ito ay isinagawa bilang maagang pamasko sa mga bata kaya naman nakasuot ng Santa cap ang kapulisan sa pamamahagi ng mga coloring books, krayola at mga candies. Makikita ang galak sa mga mata ng bawat mag-aaral sa sorpresa na inihandog ng Naguilian Santa Cops.
Layunin ng programang ito na mapalapit sa mga kabataan at lalong mapalawig ang interes nila sa pag-aaral para sa kanilang kinabukasan.
Source: Naguilian Police Station
Panulat ni PSSg Jerlyn V Animos
