Aglipay, Quirino (February 18, 2022) – Nagsagawa ng “Project Batman” Be a Total Man o Operation Tuli ang mga kapulisan ng Quirino sa tatlong barangay ng Aglipay, Quirino noong Pebrero 18 ng taong kasalukuyan.
Ikinasa ang proyekto sa patuloy na paghahatid serbisyo ng mga pulis nars ng 1st Quirino Provincial Mobile Force Company (PMFC) sa pangunguna ni PSSg Dennis O Teñoso, PCAD PNCO sa ilalim ng pamumuno ni Police Lieutenant Colonel Eugenio Mallillin, Force Commander, katuwang ang Company Advisory Group for Transformation and Development sa pangangasiwa ni Hon. Julius Ceasar Vaquilar, Vice Governor na siyang namuno sa likod ng matagumpay na proyekto.
Umabot naman sa 24 na batang edad walo (8) pataas ang nahandugan ng Oplan Tuli sa tatlong magkakaibang barangay ng Aglipay, Quirino.
Una nang nailunsad ang” Project Batman” Be a Total Man noong nakaraang taon na patuloy na isinasagawa at tinaguriang ” Best Practice” ng naturang unit.
Layon ng proyektong ito na magbigay kaalaman sa mga batang lalaki sa importansya ng kalinisan sa kanilang katawan upang maging ganap na lalaki.
Sa kabuuan, umabot na sa 259 na bilang ng mga benipisyaryo sa buwan lamang ng Enero nito lamang taon ang nahandugan ng libreng tuli o Project Batman.
Samantala, lubos naman ang pasasalamat ng mga bata sa kapulisan sa serbisyong ipinaabot sa kanila kasama ang lokal na pamahalaan.
Patunay lamang na ang inyong pambansang pulisya ay hindi titigil sa pagsasagawa ng mga programa na makakatulong sa mga mahihirap nating kababayan nang sa gayon ay mapagtibay pa ang ugnayan ng komunidad at pulisya.
###
Panulat ni PCpl Jeff John Nabasa
