Naglunsad ang Quirino Police Provincial Office (QPPO) ng isang proyektong tinawag na “Barbero ng Bayan si Mamang at Manang Pulis” o mas kilala sa tawag na Project BBM Pulis na ginanap sa Barangay Balligui Maddela, Quirino nito lamang ika-10 ng Mayo 2024.
Ang aktibidad ay pinangunahan ni Police Colonel Augusto P Bayubay, Provincial Director ng Quirino Police Provincial Office at ang mga kapulisan na nakiisa ay mga TESDA Trained Haircutters mula sa iba’t ibang Municipal Police Stations at Mobile Forces na nagbigay ng libreng gupit para sa mga residente kasabay ng selebrasyon ng ika-57th Panagtitipon Founding Anniversary.
Ito ay naging isa sa mga best practices ng Quirino Police Provincial Office at naglalayong maghatid ng tulong sa mga marginalized na komunidad at umabot naman sa 80 ang mga naging benepisyaryo.
Sa pamamagitan ng ganitong mga proyekto, patuloy na pinapalakas ng Quirino Police Provincial Office ang kanilang ugnayan at serbisyo sa mamamayan, lalo na sa mga pinakamahihirap na sektor ng lipunan tungo sa Bagong Pilipinas.
Source : Quirino PPO Valley Cops
Panulat ni Pat Wendy G Rumbaoa
