Clarin, Bohol – Muling nagsagawa ang Bohol PNP ng Project B.E.S. o “Balik Eskwela I am Strong” sa mga estudyante sa Brgy. Buntod, Clarin, Bohol nito lamang ika-13 ng Setyembre 2022.
Ang aktibidad ay pinangunahan ng Clarin PNP sa direktang pamumuno ni Police Lieutenant Albert Rodriguez Sator, Chief of Police ng istasyon.
Namahagi ng school supplies at food packs ang naturang grupo sa mga mag-aaral ng nasabing barangay na labis na nagpataba ng puso ng mga batang nahandugan ng munting biyaya mula sa mga kapulisan.
Walang ibang hangad ang naturang programa kung hindi mailapit sa taong bayan ang serbisyong makamasa na magpaparamdam sa mga ito ng tunay at tapat na pagmamahal at malasakit ng buong hanay ng Pambansang Pulisya sa bawat mamamayan.
Panulat ni Patrolwoman Kyla Hanna Evangelista
