Naga City, Camarines Sur – Naglunsad ng Project 4P’s ni Jonnel ang Naga City PNP sa Sitio Balatungan, Barangay Concepcion Grande, Naga City, Camarines Sur nitong Lunes, Abril 18, 2022.
Ang proyekto ay may temang “Pipti Para sa Palikuran sa Pamayanan” na pinangunahan ni Police Lieutenant Colonel Rommel Labarro, Force Commander ng Naga City Mobile Force Company katuwang ang Philippine Army at Advocacy Support Group.
Apat na Comfort Rooms o CR ang naipatayo sa nasabing lugar mula sa Php50 na ambagan ng tauhan ng Naga CMFC at sa mga donasyon na materyales ng stakeholders.
Mahigit 60 na pamilya ang makikinabang sa nasabing proyekto.
Pinaayos din ang poso upang mapagkuhanan ng tubig na gagamitin ng mga residente sa lugar.
Layunin ng proyektong ito na iparamdam sa kumunidad na handang tumulong ang PNP para mapanatili ang kalinisan at maiwasan ang sakit na dulot ng walang maayos na palikuran.
###
Panulat ni Patrolman Rodel Grecia
