Cortes, Bohol – Patuloy na umaarangkada ang Rektang Bayanihan Program ng Cortes Municipal Police Station nito lamang Miyerkules, Hunyo 1, 2022.
Personal na naghatid ng Food Packs ang mga tauhan ng Cortes Municipal Police Station, sa pamumuno ni Police Lieutenant Girlie Apolinares Tolop, Chief of Police sa mga residente ng Brgy. Poblacion, Cortes, Bohol.
Ayon kay Police Lieutenant Tolop, lubos ang pasasalamat ng mga residente na nakatanggap ng tulong mula sa ating kapulisan dahil malaking tulong ito sa kanilang pang-araw-araw na pangangailangan.
Layunin ng programang “Rektang Bayanihan” na personal na maihatid ang serbisyong publiko ng PNP sa ating mga mamamayan na lubos na nangangailangan dahil sa epekto ng pandemya.
###
Panulat ni Patrolwoman Jenilyn C Consul
