Eastern Samar – Muling umarangkada ang programang P.N.P. C.A.R.E.S na nangangahulugang Pencil-Notebook-Paper Crayons-Art Book-Ruler-Eraser-Sharpener ng Eastern Samar Police Provincial Office sa Camcueves Elementary School, Brgy. Camcueves, Gen McArthur, Eastern Samar noong Oktubre 25, 2022.
Ang programa ay isa sa mga Best Practices ng Eastern Samar PPO sa pamumuno ni Police Colonel Matthe Aseo, Provincial Director kasama ang Police Community Affairs and Development Unit sa pangangasiwa ni Police Lieutenant Colonel Rommel Cesista, Chief PCADU, mga tauhan ng Gen Mc Arthur MPS, 2nd Eastern Samar PMFC, mga Barangay Officials, Guro, at Life Coach ng Gen McArthur MPS.
Sa kabuuan ay mayroong 64 na multi-grade elementary pupils ang nakatanggap ng iba’t ibang klase ng school supplies.
Ang programa ay naglalayong makapagbigay at makapamahagi ng mga pangunahing gamit sa paaralan sa mga mag-aaral at mga batang nabubuhay sa Geographically Isolated and Disadvantaged Area (GIDAS) ng lalawigan.
Sa pamamagitan ng aktibidad na ito, nagkakaroon ng matibay na pakikipagtulungan at pinapalakas ang partisipasyon ng komunidad sa mga programang pangkapayapaan at kaligtasan ng publiko.
Panulat ni Patrolwoman Rialyn B Valdez
