Palawan – Inilunsad ng mga tauhan ng Puerto Prinsesa Mobile Force Company ang programang Library Initiative Bringing Reading Opportunities to Police Empowered youth (LIBROPE) sa Tagabinet Elementary School, Brgy. Tagabinet, Puerto Prinsesa City, Palawan noong ika-19 ng Enero 2024.
Ang programa ay pinangunahan ni Police Captain Dennis Dimaya, Administrative Officer ng Puerto Prinsesa Mobile Force Company.
Ang aktibidad ay naisakatuparan sa pakikipagtulungan ni Hon. Divine Cayaon, Brgy. Chairwoman ng nabanggit na barangay at Ms. Nelita P Cayaon, School Head ng paaralan.
Ang buong kapulisan ay nagsagawa ng storytelling at feeding program na lubusang ikinasaya ng mga mag-aaral sa nasabing eskwelahan.
Layunin nito na ang bawat estudyante ay mabigyan ng oportunidad na matutong magbasa at mapahalagahan ang kanilang pag-aaral para sa kanilang kinabukasan.
Panulat ni Patrolwoman Ana Rose D Guadaña
