Valencia, Negros Oriental – Walang humpay ang pagpapaabot ng mga tauhan ng Valencia Police Station ng tulong bilang bahagi ng programang “Kapwa Ko, Sagot Ko” sa mga residente ng Brgy. Balugo, Valencia, Negros Oriental nito lamang Lunes, Setyembre 12, 2022.
Ipinaabot ng mga tauhan ng naturang istasyon ang food packs at hygienekits sa mga benepisyaryo ng programa.
Ang naturang aktibidad ay isa sa mga programa ng Valencia PS na may layuning makatulong at makapaghatid ng tapat at maayos na serbisyo sa kanilang nasasakupan.
Labis naman ang tuwa at pasasalamat ng mga naging benepisyaryo ng programa mula sa tulong na natanggap sa kapulisan.
Sa pangunguna ni Police Major Roger Quijano, Hepe ng nabanggit na istasyon, katuwang ang mga kawani nito ay kanilang siniguro ang patuloy na pagbibigay ng serbisyong puno ng malasakit, at ang patuloy na pagpapatibay ng ugnayan nito sa komunidad tungo sa hangaring magkaroon na maayos at mapayapang pamayanan.
