Getafe, Bohol – Patuloy na umaarangkada ang programang “Kapwa Ko, Sagot Ko” ng Getafe Municipal Police Station sa Brgy. Poblacion, Getafe, Bohol nito lamang Miyerkules, ika-14 ng Setyembre 2022.
Pinangunahan ni Police Staff Sergeant Mary Jean B Cagata sa pangangasiwa ni Police Lieutenant Margarito N Cagoco, Jr., Chief of Police ang pamimigay ng food packs at hygiene kit sa kanilang mga nasasakupan.
Ang naturang aktibidad ay isa sa mga programa ng Getafe MPS na may layuning makatulong at makapaghatid ng tapat at maayos na serbisyo sa kanilang nasasakupan.
Labis naman ang tuwa at pasasalamat ng mga naging benepisyaryo ng programa mula sa tulong na natanggap sa kapulisan.
Hangad ng buong hanay ng Pambansang Pulisya na patuloy na maihatid ang may malasakit na serbisyo para sa ating mga kababayan upang maging matatag pa ang ugnayang pulisya at komunidad.
Panulat ni Patrolman Aivan Guisadio
