Peñablanca, Cagayan – Patuloy na isinasagawa ng Peñablanca Police Stations ang programang “Itatawid kita para safe ka” sa Peñablanca West Central School, Centro, Peñablanca, Cagayan noong Setyembre 12, 2022.
Ayon kay Police Major Harold P Ocfemia, Hepe ng Peñablanca PNP, araw-araw na nakadeploy sa mga paaralan ang kanyang mga tauhan upang alalayan ang mga mag-aaral sa kanilang pagtawid.
Layon ng kanilang best practice na masiguro ang kaligtasan at kapakanan ng mga mag-aaral lalo na ang mga nasa elementarya.
Sa pamamagitan din nito ay napapalapit ang loob ng mga bata sa kapulisan at napapatatag din nito ang ugnayan ng pulisya at mamamayan.
Source: Peñablanca PS
Panulat ni Police Corporal Carla Mae P Canapi
